沒有特定原因的，也不需要多解釋的，我們就是很喜歡喝酒。
我的話，我喜歡喝酒喝到半路，似醉還醒的時候，甚麼都夠膽說夠薑做的狀態。
喝到酩酊大醉時，我無悔我曾經做過數之不盡瘋狂的事、說過極多沒頭沒腦的廢話。
食煙，飲酒，交朋友，我常常將它們看做一體，簡直是三部曲。酒是一種催化劑，喝酒後，朋友之間所達至的交流互動，那種I got you或go fxxk yourself，不喝酒的朋友絕對不能明瞭。
今次所有訪問都是一邊喝酒一邊進行的，而且其他朋友亦同場參與。就如我起初做Toast Magazine所說的，希望每位受訪者都可以暢所欲言，爽脆地談。喝酒後的狀態，剛剛好；所有文字都以口語紀錄，希望原汁原味一點。
當然，飲酒適可而止，不過，還是喝了再算！
nova leung
wankoki
absolutely hypocrite
職業：design撚
何時開始飲酒：小學一年班時被爸爸灌酒開始
受訪地點：joe's billiards & bar
經常去飲酒的地點：除了屋企以外的地方。中學時愛到維園飲酒
" 有時都會問自己：「點解飲咁多？」 "
你最常飲 / 最喜歡飲哪一種酒？
大嘉士伯。其實好多酒都鍾意飲，除了Hoegarden同Bacardi 151 rum。
你每隔多久會去飲酒？
平均隔四天便去飲。
甚麼時候會想飲酒？
放工就想飲囉。
你的酒腳之選是？
沒所謂個喎。
談談你的酒量。
唔算好飲得，要睇心情同狀態。
你覺得飲酒可以...............?
wing wing哋。
喝得high會有甚麼變化、舉動？
大聲講嘢，講嘢唔經大腦。大膽。咸濕。
談談你的飲酒趣事。
有時一班人飲大咗，闖入封鎖咗嘅公園玩數字樽 (「數字球」玩意但以酒樽代球)。
飲得最瘋狂的一次是？做了甚麼事？
做壞事。
醉得最兇的一次是？
有一年生日被朋友瘋狂灌酒，醉到X街，不停嘔，直頭伸個頭入垃圾桶嘔，要朋友抬著我返回學校校園，場面好似笑片一樣。第二日醒來，遍體鱗傷之餘，發現全身被朋友用雙頭筆寫滿字。好辛苦好頭痛。
由於飲酒而得到的改變。
飲酒後覺得好舒服，病痛、敏感乜都無晒。仲有，一飲酒就變得更咸濕。
由於飲酒而得到的啟發。
每次飲酒都很期待某些事發生。
wahaha天祐
i hate work, time to pretend
職業：JUNIOR multimedia designer
何時開始飲酒：中學
經常去飲酒的地點：無特定地點，但依家鍾意去戶外飲酒，例如去錦上路。
" 我飲酒之後講勁多嘢，勁多嘢呀。 "
睇睇有無特價囉…最經常係飲啤酒。最近鍾意lucky beer，因為酒樽好靚。
平均五至六日。
一班人好高興嘅時候。
nova。
醉得好密呢，尤其空肚飲一定醉。
令所有事變得純粹。
平時好少開口講，但飲酒後我會講好多關於自己嘅事。仲有會變得咸濕咗。
都係做啲些犯法嘢……例如撕下地鐵站內嘅貼紙……仲有試過喺bar度見工！我一面飲酒一面present！
喺外國試過闖入人哋校園搞破壞，打爛啲窗。不過人越大越淆底，唔會好似以前咁瘋狂。
試過喺馬路中心小便喎，甚至有一次喺人哋屋企門口大便。
變得110%咸濕。
以為飲酒後會變得瘋癲一點，怎知道根本沒有……
chris
a 100% alcoholic who pretends to be a 100% workaholic
職業：auditor
何時開始飲酒：中五、六時因失戀而開始飲酒
受訪地點：SML_Times Square
經常去飲酒的地點：無喎又
" 我無醉呀，我仲可以食三桶家鄉雞。"
啤酒呀、紅酒呀、竹葉青…全部都飲。最近成日飲vodka，又平又容易入口，最重要係佢好易令人進入狀態。
有時幾個好朋友聚埋一齊就會飲酒，但更多時候是在大陸公幹，需要同客戶應酬，飲幾杯聯誼一下。
其實我酒癮唔大，通常有心事就飲。
好多好朋友同時都係我嘅酒腳。
無試過醉到連屋企都返唔到，亦好少斷片，反而係我成日都想隊冧自己。應酬時就比較容易飲大兩杯、容易high。
令人亢奮、放鬆，容易同朋友暢談。
亂講嘢！如果平時講嘢有50分無聊，喝多了就變成80分無聊。
在澳洲讀書時同一大班好友飲酒，飲咗勁多，之後一班人索性喺廁所邊嘔、邊傾偈、邊瞓覺，細細個廁所竟然塞咗六、七個人！又有一次以酒代錢，打麻將輸一番就飲一格Gold Label。
有一次明知聽日要出國公幹，但當晚因為示愛失敗而自隊。起飛前去茶餐廳醫肚，那時太醉喇，我終於忍唔住，嘔咗落煲仔飯度！然後在辦理登機手續時點都搵唔到身份證，原來我將身份證放喺寄艙行李入面！
在空肚飲酒之下，我同所有在場朋友都飲醉了，全軍覆沒！個個爭住啤酒桶嘔！
暫時未察覺生理上的變化。可能在澳洲讀書時飲太多，我覺得有一段時間比以前難於集中精神，讀書成績差咗。
會突然想打電話或send sms俾一直想聯絡又無膽去聯絡的人。
roy
平凡好爸爸
職業：quantity surveyor
何時開始飲酒：10歲左右攞雪櫃啲啤酒飲
受訪地點：寶勒巷AT
經常去飲酒的地點：以前經常去海港城嘅鸚鵡吧，依家多去太子。
" 19至25歲時飲得最癲，出親糧都用晒去飲酒。"
最近鍾意飲紅酒，去諾士佛臺飲，有露台又有live band，唔錯。啤酒的話鍾意飲百威。
成日飲喎。
飲酒咪飲酒囉，係好自然嘅事。
同老友飲。總之唔會一個人飲。
勁呀。
溝通，聯誼，增進感情，又可以舒懷。
煽動所有人撕片。
有一次飲到好醉，唔知點解仲可以送一位朋友返屋企，然後喺佢屋企樓下嘅空地就咁攤低瞓著，直至被保安驅趕。
我喺前女友嘅婚宴上飲到好醉，竟然鬧新娘的爸爸，又走去挑釁新郎。總之成晚勁醉，飲到斷片。
本來幾鍾意飲芝華士，鍾意佢烈，完全俾到嘢你。但因為一次飲得好爆，全場人湯晒，自此之後驚咗飲芝華士。
以前飲酒可能為玩，依家識得享受飲酒本身了。
飲酒是享受的過程，是人生享受。
Neelieeee
職業：airline ground staff
何時開始飲酒：在澳洲剛開始工作時
受訪地點：Breaks Bar
經常去飲酒的地點：沒有特定的地方，重點是和甚麼朋友喝
" 次次都飲大次次都好醉喎！"
鐘意Cocktail，鐘意一啲易入口嘅酒，尤其係SOHO 0-7，可惜香港搵唔到這種酒。
可以突然間興致起就飲，如果突然有同事約飲酒又有機會飲。
去玩、去clubbing時會飲，或者同朋友一齊時氣氛好就會想飲；有時亦會因為心情唔好而喺屋企飲啲酒。仲有，每次滑雪都會飲酒，因為好凍，需要用酒去暖下個人！
啱傾又好啱玩嘅人囉。
唔太好。如果你發現我突然間神色凝重咁離開就知道我已經飲醉！ (懶鎮定地離開其實係一個人走落街嘔！)
身心舒暢...........?
追酒飲……
都係衰在飲林寶堅尼！有一次朋友生日會上我又懶鎮定咁醉住離開，然後蹣跚地在街上走，每走過一條街見到垃圾桶就嘔！仲有以前我住喺外國，朋友喺屋企釀酒，紅酒未完全發酵我哋就打開酒樽，有氣嘅酒破樽而出，成個廚房即刻變到兇案現場一樣，血淋淋……
以前住喺外國經常都飲飲飲，飲到癲。嗯…有一次喺我自己生日party上，party未開始我已經自隊，party進行時又係咁溝酒飲，結果朋友來到時只見到我攬住馬桶嘔。
那是幾年前的事，又係因為溝酒飲，係有史以來飲得最醉嘅一次，從來無試過行都行唔郁，係當時男友將我扛在肩上抬走的！平時好少喊，當晚亦都哭了。
ahloxkevin
迷幻鐵漢
職業：art director
何時開始飲酒：14、15歲
經常去飲酒的地點：我在任何地方都可飲得開心，無論飲酒氣氛或味道都可以自已調節。
" 有得飲酒時要全力飲，如果找到好傾的，就更加要成日同佢飲。"
以前淨係飲啤酒，依家乜酒都飲，威士忌，紅酒，日本酒，米酒，總之係酒都啱。
現在每星期飲兩支紅酒 (俾老婆限制中..….)
老實講，一天黑就想飲酒，大白天我係多數不會飲的 (旅行中除外)。
我自已一個對住牆都飲得好開心，但係同老朋友飲又OK，新朋友都可以。我的特技就是飲咗酒，同乜人都可以傾一餐。
這個可大可小。如果同人傾偈傾得好開心，我可以不斷不斷咁飲，解手後又可以再飲，只要不嘔吐就能繼續飲。我常常想去檢查我對酒精的代謝能力，看看我確實的酒量。
飲酒可以令自已感覺放鬆一點，平時聯想不到的事都會突然跑出來。我不太會打桌球，但試過一次喝了點酒再去打桌球，嘩！好似準咗咁多咁…還有，我常常覺得，酒後駕車，技術會掌握得更好 (這是我的經驗，正義人士要插就來.....) 。
最明顯就係多嘢講，可以不停不停咁講，連三唔識七的都可以講一餐，常常會亂講嘢，即使應承人甚麼甚麼，最後都忘得一乾二淨。
我大約中四時學會飲酒，那時經常會和同學去酒吧飲 (未夠18….)。有個壞蛋同學剛失戀，一到酒吧，在十數秒內連喝二杯大裝生啤；跟住佢話要走，好，由得佢，俾佢走，點知佢行了幾步就「放波」，一路行一路嘔 (《龍珠》漫畫內，菲利大王與其手下全部可以用口放波出招)，笑到我哋！！到今日事隔廿幾年都重笑緊......
話說以前有些「大佬」包了場飲酒，唔使俾錢我哋梗係全力出擊，有大食大，十幾種酒溝埋一齊飲！飲到我點都諗唔到自己係點樣回家的。至於飲大咗所做的最大件事，應該都係搬了安全島盞訊號燈回家......
我記得有一次飲醉後好好笑。我家住唐樓，太醉囉，根本行唔到樓梯返上屋企，就咁在樓梯瞓著。後來有個阿婆行過見我咁慘，就拎張報紙冚住我，幫我保暖.......
飲酒令我不怕一個人做任何事 (或者根本與酒無關？)。以前好多事都要一班人去做先得，依家有酒這個朋友陪我，我可以自已一個去旅行，自已去海灘曬太陽。
就好似看《北斗之拳》時健次郎咁講，平時我哋只能發揮人腦10﹪潛能，但係飲咗酒可以將力量引導出來。不過我不確定還可解放多少潛力，要再喝多點...研究下。
issue 1
work load
issue 2
listen to body
issue 3
my place
Toast = 一片香脆多士
通過深入而誠摯的對話，爽脆地談。
Toast = 極受歡迎的人或事
每個人都擁有引人入性勝的故事，都是受歡迎的人。
Toast = 舉杯祝酒
Cheers :)
Toast Magazine = 看多士
不定期發表的網上雜誌，每期以不同主題進行訪問，有些可能是平常不曾聊到的話題。透過一式一樣的問題，看出每位受訪者與別不同的答案與想法。
